Крипто зах зээлийн үнэлгээ 2024 оны эцэст 5 их наяд ам.долларт хүрнэ.

Ripple блокчейн стартап компанийн Гүйцэтгэх захирал Брэд Гарлингхаус 2024 онд криптовалютын зах зээлийн нийт үнэлгээ 5 их наяд ам.долларт хүрнэ хэмээн үзэж байна.

Мөн тэрээр крипто зах зээлийн үнэлгээ энэ оны эцэст хоёр дахин өснө гэсэн хүлээлттэй байна. Шалтгаан нь:  

• АНУ-ын анхны биткойны ETF гарсан
• Энэ сарын 21-нд болох биткойны олборлолтын хурд хоёр дахин буурах зэрэг макро хүчин зүйлс нөлөөлнө гэж үзэж байна.

Мөн Брэд Гарлингхаус болон салбарын шинжээчид удахгүй болох АНУ-ын Ерөнхийлөгчийн сонгууль криптовалютын зах зээлийн хууль эрх зүйн зохицуулалтад эерэг өөрчлөлтийг авчирна үзэж байна.

 

НЭМЖ ТОДРУУЛЬЯ

 

Шалтгаан-1: АНУ-ын анхны биткойны ETF гарсан

 

Үнэт цаас, биржийн хорооноос АНУ-ын анхны спот биткойны ETF-ийг өнгөрсөн 11 сарын 10-нд баталсан. Иннгэснээр АНУ-ын хөрөнгийн биржүүдэд нээлттэй арилжигдаж, институциональ болон бие даасан хөрөнгө оруулагчид хөрөнгө оруулах бололцоотой болсон юм.

 

Шалтгаан-2 Биткойны олборлолтын хурд хоёр дахин буурна

Дөрвөн жилд 1 удаа тохиодог биткойн олборлолтын хурдын бууралт 4 сарын 21-нд тохиож байна. Үүнээс болж дахин шинээр үүсэх биткойны тоо багасах тул ханш нь өсдөг зүй тогтол сүүлийн гурван удаад ажиглагдсан.

Мөн тэрээр удахгүй болох АНУ-ын Ерөнхийлөгчийн сонгууль криптовалютын зах зээлийн хууль эрх зүйн зохицуулалтад эерэг өөрчлөлтийг авчирна Брэд Гарлингхаус болон салбарын шинжээчид үзэж байна.

 

Биткойн-Одоо

 

Дөрөвдүгээр сарын 4-ний байдлаар криптовалютын зах зээлийн нийт үнэлгээ 2.6 их наяд ам.доллартой тэнцэж байна.

Биткойны ханш сүүлийн 12 сард 140 гаруй хувиар өссөн ба 3 сарын 13-нд 73,000 ам.доллароос давж дээд түвшнийг тогтоосон юм.

Нийт крипто зах зээлийн 49 орчим хувийг биткойн дангаар эзэлдэг бөгөөд 4 сарын 1-ний байдлаар зах зээлийн үнэлгээ нь 1.3 их наяд ам.доллар болжээ.