Програм хангамжийн Juniper Networks компани 13 тэрбум ам.доллараар зарагдана

Hewlett Packard Enterprise компани Juniper Networks компанийг 13 тэрбум ам.доллараар худалдаж авахаар болжээ.

Hewlett Packard Enterprise компани нь 1939 онд үүсгэн байгуулагдсан Hewlett Packard компаниас өрх тусгаарласныхаа дараа үүлэн технологийн салбарт үйл ажиллагаа явуулж байгаа юм.

Тус компани Juniper Networks-ийг худалдаж авснаар HPE хиймэл оюун ухааны салбарт илүү их амжилт гаргах боломж бүрдэх бөгөөд даваа гарагийн арилжааны үеэр хувьцааны ханш нь 3.2 хувь өсөж 17.72 ам.долларт хүрчээ.

Ингэснээр тус компанийн зах зээлийн үнэлгээ ойролцоогоор 23 тэрбум ам.доллар болсон бол Juniper Networks-ийн хувьд нэгж хувьцаа нь 30.22 ам.доллараар арилжаалагдаж 9.6 тэрбум ам.доллараар үнэлэгдэж байна.