Чипний эрэлт суларч Samsung компанийн ашиг 35%-иар буурлаа.

Samsung electronics компани өнгөрсөн жил 3.7 триллион вон, энэ жил 2.8 триллион вон буюу 2.1 тэрбум долларын ашигтай ажиллажээ.

Харин борлуулалтын орлого нь 70.46 триллионоос 67.4 триллион хүртэл буурсан байна.

Тус компаниас 2023 оны 4-р улиралд хагас дамжуулагчийн үнэ буурснаас шалтгаалж компанийн үйл ажиллагааны ашиг 35 хувиар унах хүлээлттэй байгаа талаар мэдэгдлээ.

Тиймээс Samsung компанийн хувьд өрсөлдөгч NVIDIA компанитай адил ChatGPT зэрэг хиймэл оюун ухаанд суурилсан загварууд дээр ажиллах боломжтой чип хөгжүүлэх шаардлага үүсээд байгаа юм.

Хэрэв хиймэл оюун ухаан дээр ажиллах боломжтой өндөр нягтралтай хагас дамжуулагчийг борлуулж чадвал борлуулалтын орлого буурахгүй байх боломжтой гэж шинжээчид үзэж байна.