2023 онд Хятадын хүн амын тоо 2.08 саяар буурч 1.41 тэрбумд хүрэв.

БНХАУ-д шинэ төрөлтийн тоо 5.6%-иар буюу 9.02 саяаар буурлаа. Харин нас баралтын тоо 11.1 саяд хүрч Шведын нийт хүн амын тооноос давсан байна.

Тодруулбал, дэлхийн 2 дахь том эдийн засагтай оронд хөгшрилт явагдаж, хүн амын тоо буурав.

Эдгээр хүн ам зүйн хүчин зүйлээс шалтгаалж хөдөлмөрийн зах зээл, урт хугацааны эдийн засагийн өсөлт саарч магадгүй нөхцөл байдал үүслээ. Хятад улсын медиан насжилт нь 2023 онд 39.0 жил байсан нь 1970-аад оноос хойш 21 жилээр өссөн үзүүлэлт юм.

Үр дагавар:

•60-аас дээш насныхан хүн амын 19.8 хувийг бүрдүүлж байна. Иймд ажиллах хүчний асуудалд орох магадлалтай.

•Дэлхийн Банкны төсөөллийн дагуу БНХАУ-ын эдийн засаг 2024 онд 4.5 хувийн өсөлтийг үзүүлснээр өсөлт өмнөх онуудаасаа саармагжих төлөвтэй байна.