Панасоник цахилгаан автомашины баттаррейн үйлдвэрийн барилгын ажлаа түр зогсоолоо

Өчигдөр Панасоник компанийн гүйцэтгэх захирал Yuki Kusumi Ройтерсд өгсөн ярилцлагадаа, шинээр барихаар төлөвлөж байсан цахилгаан автомашины баттаррейн 3 дахь үйлдвэрийнхээ ажлыг түр хойшлуулж, зөв цагтаа эхлүүлнэ гэж мэдэгдлээ.

Тус мэдэгдэл нь General Motors болон Ford зэрэг автомашин үйлдвэрлэгчид цахилгаан автомашины эрэлт сул байна гэсэн мэдэгдлийн дараа гарсан байна.

Панасоник Энержи компани нь АНУ-ын Nevada болон Kansas мужуудад үйлдвэртэй бөгөөд өнгөрсөн 12 сард дараагийн үйлдвэрээ барина гэж мэдэгдэж байсан юм..

Тус компанийн Kansas дахь үйлдвэр нь цагт 80 гигаватт баттарей үйлдвэрлэх хүчин чадалтай бөгөөд 2031 он гэхэд хүчин чадал нь 200 гигаватад хүрэх төлөвтэй байна.