Nvidia компанийн тайлан хөрөнгө оруулагчдыг баярлууллаа.

Nvidia компани өчигдөр зах зээл хаагдсаны дараа (aftermatket) 4-р улирлын тайлангаа танилцууллаа.

 

Орлого---------------------------

 

Дөрөвдүгээр улиралд NVDA 22.1 тэрбум ам.долларын орлого олсон нь жилийн өмнөхөөс 265%-иар өсөж WallStreet-ийн шинжээчдийн хүлээлт болох 20.4 тэрбум ам.доллараас илт давсан үзүүлэлт боллоо.

 

Цэвэр ашиг---------------------------

 

Цэвэр ашиг нь шинжээчдийн хүлээж байснаас давж 12.8 тэрбум ам.доллар буюу EPS нь 5.16 ам.доллар гарсан нь өнгөрсөн оны улиралд мэдээлсэн 2.2 тэрбум ам.доллар буюу EPS 88 центээс огцом өсөв.

Харин шинжээчдийн таамгаар EPS 4.60 ам.доллар байсан нь бодитоор 5.16 гарчээ.
 

Өсөлтийн шалтгаан---------------------------

Nvidia-ийн дэвшилтэт микрочипүүдэд хиймэл оюун ухааны хөгжүүлэлтийн улмаас байнгын эрэлттэй байгаа нь борлуулалт өсөхөд нөлөөлсөн байна.

Гүйцэтгэх захирал Женсен Хуан "Дэлхий даяар компаниуд, салбарууд, улс орнуудад хиймэл оюуны эрэлт хэрэгцээ нэмэгдэж байна" гэв.

Nvidia-ийн хувьцааны ханш уртасгасан арилжаагаар (aftermarket) бараг 8%-иар өссөн байна.