Компаниуд ногдол ашгаа 4 сарын 30-аас өмнө олгож байна.

Санхүүгийн зохицуулах хорооны ээлжит хуралдаан өчигдөр боллоо.

Хуралдаанаар “Ногдол ашиг тараах ажиллагааг нарийвчлан тогтоох тухай” 28 дугаар тогтоолд өөрчлөлт оруулж, компаниудын ногдол ашиг тараах хугацааг нарийвчлан тогтоож өгсөн байна.

Тодруулбал, ногдол ашиг хуваарилахаар шийдвэрлэсэн компаниуд санхүүгийн жил дууссанаас хойш дөрвөн сарын дотор буюу дөрөвдүгээр сарын 30-ны өдрөөс өмнө ногдол ашгаа хуваарилж дуусган, тайлангаа ирүүлж байх үүргийг нийт хувьцаат компаниуд хүлээхээр болж байна.

Ингэснээр хувьцаа эзэмшигчид ногдол ашгаа хугацаанд нь түргэн шуурхай авахын зэрэгцээ хөрөнгө оруулагчдын зах зээлд итгэх итгэл, идэвхийг нэмэгдүүлж, тэдгээрийн эрх ашгийг хамгаалахад ихээхэн ач холбогдолтой юм.

 

“Монголын цахилгаан холбоо” ХК-ийн нэмж хувьцаа гаргана

 

Төрийн өмчит хуулийн этгээдийн хувьцааг нийтэд нээлттэй худалдах чиглэлийн дагуу “Монголын цахилгаан холбоо” ХК-ийн нэмж гаргаж буй үнэт цаасыг нийтэд санал болгохыг зөвшөөрлөө. Ингэснээр тус хувьцаат компани хувьцаагаа нийтэд санал болгож буй төрийн өмчит хоёр дахь компани болж байна.