Алибаба групп 4.8 тэрбум ам.долларыг хувьцаагаа эргүүлэн худалдаж авахад зарцуулжээ

БНХАУ-ын технологийн томчууд зах зээлийн үнэлгээгээ сэргээхийн тулд  хувьцаагаа ихээр худалдан авч байна.

Одоогоор БНХАУ-ын Шанхай, Шенжень, ХонгКонгийн биржүүд 2021 оны оройн цэгээс хойш 4.5 их наяд ам.долларын зах зээлийн үнэлгээгээ алдаад байгаа юм.

Тиймээс БНХАУ-ын зохицуулагч байгууллагуудаас нээлттэй компаниуддаа хандан зах зээл дэх гэлийг тогтворжуулахын тулд хувьцаагаа эргүүлэн худалдан авахыг уриалсан юм.

 

Алибаба групп (BABA) 

 

2023 онд Алибаба (BABA) групп зах зээлийн үнэлгээнийхээ ¼-г алдсан.

 

Тиймээс 2024 оны 3 сарын 31-ний өдрийн байдлаар АНУ болон Хонг-Конгийн зах зээлээс нийт 12.5 тэрбум ам.долларын хувьцаагаа худалдаж авсан ба энэ нь эргэлтэд буй хувьцааны 5.1%-тай нь тэнцэж байна. 

Энэ нь өнгөрсөн жилийн түүхэн дэх БНХАУ-ийн технологийн компанийн хувьцаагаа эргүүлэн авсан хамгийн өндөр дүн болжээ.

2024 оны эхний улирлын байдлаар Алибаба компани нийт 4.8 тэрбум ам.долларын хувьцаагаа эргүүлэн худалдаж авахад зарцуулсан нь компанийн түүхэн дэх  2 дахь том худалдан авалт юм. 

Хувьцаагаа эргүүлэн худалдаж авах нь зах зээл дэх хувьцааны тоо хэмжээг багасгадаг учир хувьцааны үнийг өсгөдөг.