Хятадын эдийн засаг 5.3 хувиар өслөө.

Хятадын эдийн засаг энэ оны нэгдүгээр улиралд 5.3 хувиар тэлсэн талаар тус улсын Үндэсний статистикийн товчооноос мэдээллээ. Өнгөрсөн оны дөрөвдүгээр улиралд тус улсын ДНБ 5.2 хувиар өсөж байсан бол энэ онд өсөлт нь дээшлэн шинжээчдийн тооцоолж байсан 4.6 хувийн таамаглалыг давлаа.

Бээжин дэх эрх баригчид энэ онд эдийн засгийн өсөлтөө 5 орчим хувьд хадгалахыг зорьж байна. Тэгвэл өнгөрсөн долоо хоногт “Morgan Stanley” тус улсын ДНБ-ийг энэ онд 4.8 хувиар тэлнэ хэмээн тооцоолж байгаагаа мэдэгдсэн юм. Дэлхийд хоёрдугаарт бичигдэх эдийн засагтай тус улсын экспорт болон инфляц өнгөрсөн гуравдугаар сард буурсан үзүүлэлттэй гараад байна.