Теслагийн хувьцаа 14%-иар өслөө.

Хятадын эрх баригчид Тесла компанид Хятадын технологийн аварга компани болох Baidu (NASDAQ:BIDU)-ийн газрын зураг, навигацийн технологийг ашиглаж, бүрэн өөрөө удирдах жолоодлогын шийдлээ бүрэн нэвтрүүлэхийг зөвшөөрчээ.

Baidu компани нь хайлтын системээс гадна бие даасан жолоодлого, хиймэл оюун ухааны технологиудыг сайтар хөгжүүлсэн юм.

Тесла компани Baidu-тай хамтран ажилласнаар технологийн шийдлийг нь ашиглаад зогсохгүй мэдээллийн аюулгүй байдлын зохицуулалтын гол асуудлуудыг шийдвэрлэсэн.

Элон Маск Хятатад ажиллахдаа Теслагийн батарейны гол нийлүүлэгч Contemporary Amperex Technology компанийн ТУЗ-ийн дарга Робин Зенгтэй уулзсан байна.

Wedbush-ийн шинжээчид Хятадын зах зээл дээр Тесла компани бүрэн өөрөө жолоодох автомашины зөвшөөрлийг авсан нь Теслагийн түүхийн чухал үе юм гэж тэмдэглэжээ.