Монгол Улсын валютын нөөц 4.98 тэрбум ам.долларт хүрч өмнөх сараас 5% буурлаа

Монгол Улс 5 сарын 1-ний байдлаар 4,985 сая ам.долларын гадаад валютын албан нөөцтэй байгаа нь оны эхнээс 1.3% өссөн үзүүлэлт боллоо. 

Экспорт талаас

2024 он гарсаар нүүрсний экспорт хэмжээний хувьд өссөн ч нийт үнийн дүн нь өмнөх оны мөн үеэс 1.5 хувиар багассан байна. Харин төмрийн хүдэр, баяжмал, зэсийн баяжмалын экспорт өсөлтөө хадгалсаар байна. 

Үнэт метал худалдан авалт

Монголбанк 4 сард 850.7 кг үнэт метал худалдан авсан ба оны эхнээс хойш нийт 4.26 тонн үнэт метал худалдан авчээ.

Хэлцлүүд

Монголбанк арилжааны банкны дуудлага худалдаагаар банкнуудад нийт 601 сая ам.доллар нийлүүлсэн. Түүнчлэн БНХАУ-ын Ардын банктай байгуулсан своп гэрээний хүрээнд 1.0 тэрбум юанийн төлбөрийг хийсэн ба 15.0 тэрбум юанийн үнийн дүн бүхий своп гэрээний хугацаа 2026 онд дуусахаар хүлээгдэж байна.