Элон Маск Хятадын цахилгаан автомашинд импортын татвар ногдуулахыг дэмжихгүй

Өнгөрсөн 7 хоногт АНУ-ын Ерөнхийлөгч Жое Байдены засгийн газраас Хятадын хямд үнэтэй цахилгаан автомашин нь АНУ-ын зах зээлийг эзлэхээс сэргийлж 100 хувийн татвар ногдуулах болсноо зарласан юм.

Гэтэл Тесла Хятадын зах зээлд ямар ч тариф, хөнгөлөлтгүйгээр өрсөлдөх чадвартай хэвээр байна.

Тиймээс Жое Байдены шийдвэрийг Тесла компанийн Гүйцэтгэх захирал Элон Маск дэмжихгүй байгаагаа илэрхийлжээ.

 

Тесла хэцүүхэн нөхцөлд

Тесла компанийн хувьд цахилгаан автомашиных нь эрэлт хэрэглэгчдийн дунд буурсан, Хятадад хүчтэй өрсөлдөөн нэмэгдсэнээс шалтгаалсан хүндрэлүүдтэй нүүр тулаад байгаа юм.  

Тус компанийн орлого энэ оны эхний улиралд 2012 оноос хойших хамгийн доод түвшинд хүрсэн бол хувьцааны ханш нь 30 гаруй хувиар буураад байна.