БНХАУ хагас дамжуулагчийн салбарт 48 тэрбум ам.доллар зарцуулна

2014 онд үүсгэн байгуулагдсан БНХАУ-ын National Integrated Circuit Industry Investment Fund буюу төрийн өмчит хагас дамжуулагчийн салбарын хөрөнгө оруулалтын сан нь 3 дахь удаагаа 48 тэрбум ам.долларын хөрөнгө оруулалтыг босгосон байна.

Тус санг “Big Fund” буюу том сан гэж нэрлэдэг бөгөөд хөрөнгө оруулалт татсан нь АНУ-аас тавьж буй хориг арга хэмжээнүүдийн эсрэг авч байгаа хариу үйлдэл юм.

БНХАУ өөрсдийн хагас дамжуулагчийн үйлдвэртэй болсноор бусад улс орон ялангуяа АНУ-аас хараат байдал нь буурч үндэсний нийлүүлэлтийн сүлжээтэй болох юм.  

Бусад улсын хувьд

АНУ-ын хувьд тус салбарт 50 тэрбум ам.долларыг зарцуулахаар төлөвлөөд байгаа бол БНСУ хагас дамжуулагчийн үйлдвэрлэлд 19 тэрбум ам.долларын татварын хөнгөлөлт үзүүлэхээр болоод байна.