PwC компани ChatGPT-ын чатботыг үйлчилгээндээ ашиглана.

Дэлхийн томоохон аудитын пүүсийн нэг PwC компани нь АНУ болон Их Британийн оффисууддаа OpenAI-ийн бизнест зориулсан ChatGPT Enterprise хиймэл оюун ухаанд суурилсан чатботыг нэвтрүүлж эхлэхээ мэдэгдлээ.

Ингэснээр PwC компани нь тус хиймэл оюун ухаан хөгжүүлэгчийн томоохон үйлчлүүлэгч болохоос гадна анхны борлуулалтын хамтрагч болж байна.

Одоогоор тус хэлцлийн үнийн дүнгийн талаарх мэдээлэл алга байна. Гэхдээ ChatGPT-ийн хувьд цаашид бүтээгдэхүүнээ хөгжүүлж илүү боловсронгуй болгоход ихээхэн хэмжээний мөнгө хэрэгтэй болох нь тодорхой байгаа юм.