Хятадын хувьцаат компанийн захирлуудын цалин буурчээ.

БНХАУ-ын хөрөнгийн бирж дээр хувьцаагаа арилжаалдаг компаниудын захирлуудын цалин сүүлийн 20 жилд анх удаа өнгөрсөн онд буурсан байна.

Shanghai Rongzheng Enterprise Consulting Service Group-ийн судлаачид 5000 компанийн жилийн тайланд үндэслэж тус дүгнэлтийг гаргажээ.

2023 онд захирлуудын дундаж цалин 1.66 сая юань буюу 229 мянган ам.доллар байсныг өмнөх онтой харьцуулбал 3.27 хувь буурсан байна.

Түүнчлэн дампуурлын ирмэгт тулаад буй үл хөдлөхийн Vanke компанийн 3 захирал сарын цалингаа 10000 юань буюу 1379 ам.доллар хүртэл бууруулахаар зөвшөөрсөн байна.

Харин биотехнологийн WuXi Apptec компанийн захирал Ли Ге өнгөрсөн жил 42 сая юань буюу хамгийн өндөр цалин авсан нь өмнөх жилийнхтэй нь дүйцэж байна.