Америкийн газрын тосны хүрээлэнгийн мэдээллийн дараа газрын тосны үнэ унав

Америкийн газрын тосны хүрээлэнгээс (API) АНУ-ын түүхий нефтийн нөөцийг энэ 7 хоногт 1.9 сая баррелиар өснө гэж таамаглаж байсан ч 4.052 сая баррелиар өссөнөөр ханшийг нь унагалаа.

Өнгөрсөн долоо хоногт API-аас түүхий нефтийн нөөцийг 6.490 сая баррелиар буурсан гэж мэдээлсэн.

Одоогоор түүхий нефтийн нөөц 340.2 сая баррельд хүрсэн нь 2023 оны 3 сараас хойших хамгийн дээд түвшин болж байна.

Гэсэн ч  ковидын үед буюу 2020 оны 6 сард зарласан 656 сая баррелийн нөөцөөс одоо байгаа нөөц нь хамаагүй доогуур байна.

Өчигдөр API мэдээлэл гарахаас өмнө газрын тосны ханш уналттай арилжаалагдаж эхэлсэн.

Учир нь даваа гарагт OPEC-ийн гишүүн орнууд олборлолтын хэмжээгээ 2025 он хүртэл аажмаар нэмнэ гэсэн нь газрын тосны ханш буурахад нөлөөлжээ.

Мөн EIA дата мэдээллээр өнгөрсөн 7 хоногт зарласан шатахууны нөөц сүүлийн 5 жилийн дунджаас 1%-иар доогуур байна. Иймд шатахууны нөөцийн хэмжээ нэмэгдэх шаардлагатай буюу олборлолтыг нэмэгдүүлэх шаардлагатайг харуулж байна.