NVIDIA компани 3 их наяд ам.доллароор үнэлэгдэж эхэллээ.

Өчигдрийн арилжаагаар NVDA компанийн хувьцаа 5.2 хувиар өсөж, 1224.40 ам.доллар болов.

Ингэснээр тус компанийн үнэлгээ 2 сард 2 их наяд ам.долларыг давсан бол дөрөвхөн сарын дараа 3 их наяд ам.долларт хүрч, Apple компанийг гүйцэн АНУ-ын хамгийн үнэ цэнтэй компанийн 2-т бичигдэж эхэллээ.

Тодруулбал, Apple-ийн зах зээлийн үнэлгээ хамгийн сүүлд 3.003 их наяд ам.долларт хүрч, хувьцаа нь 0.8%-иар өссөн.

Харин Microsoft компанийн хувьцааны ханш 1.9%-иар өссөн тул 3.15 их наяд доллараар үнэлэгдэж буй дэлхийн хамгийн үнэ цэнтэй компани хэвээр үлдлээ. 

1993 онд үүсгэн байгуулагдсан NVDA компани нь 2024.06.07-оос хувьцаагаа 10:1 харьцаатайгаар хуваахаар бэлдэж байгаа нь хөрөнгө оруулагчдын сонирхлыг татаж байна.