Спорт хувцас үйлдвэрлэгч Lululemon компанийн хувьцааны ханш өслөө.

Өчигдөр Lululemon компани 2024 оны 1-р улирлын тайлангаа зарласан бөгөөд борлуулалтын орлого нь 10 хувиар өсөж 2.2 тэрбум ам.доллар болжээ.

Компани 711 дэлгүүрээр борлуулалтаа хийснээс үйл ажиллагааны ашиг нь 19.6 хувьтай гарсан байна.

Өсөлтийн дийлэнх хувийг олон улсад хийсэн борлуулалт бүрдүүлсэн бол хамгийн том зах зээлтэй АНУ-д 3 хувь л өссөн байна.

Lululemon компанийн ТУЗ-ийн гишүүд энэ оны 3 сарын 29-нд 1 тэрбум хувьцаагаа буцаан худалдан авах хөтөлбөрийг баталсан бол 6 сарын байдлаар нийт 1.7 тэрбум ам.долларын эрх хадгалагдаж байна.

Өчигдрийн арилжаагаар Lululemon компанийн [NASDAQ: LULU] хувьцааны ханш 10 гаруй хувь өсөж 338.22 ам.доллар дээр хаагдсан байна.