АНУ-ын өнгөрсөн тавдугаар сарын ажлын байрны өсөлт хүлээлтээс өндөр гарлаа.

Тодруулбал АНУ -ын тариалангийн салбараас бусад салбарын ажлын байр тавдугаар сард 272,000-аар нэмэгдсэн нь өмнөх 4-р сарын 175,000-тай харьцуулахад өндөр гарсан хэдий ч ажилгүйдлийн түвшин 3.9 хувиас өсөж 4 хувьтай гараад байгаа юм. Өнгөрсөн 1 жилийн хугацаанд шинээр 232,000 ажлын байр сард дунджаар нэмэгдэж байсан бол өнгөрсөн баасан гарагт гарсан энэ үзүүлэлт нь дунджаас өндөр гарсан нь сайн хэрэг.

АНУ-ын хувьд ажлын байрны өсөлт хүлээлтээс дээгүүр гарсан нь бодлогын хүү буурах хүлээлтэд эерэг нөлөө үзүүлж магадгүй юм. Компаниудын ажиллах хүчний эрэлт буурах нь ХНС-ын мөнгөний хатуу бодлого хэрэгжиж буйн бөгөөд ажиллах хүчний эрэлт буурах нь инфляцын өсөлтийн дарамтыг бууруулна гэж бодлого боловсруулагчид найдаж байна.  

Гэсэн ч ажилгүйдлийн түвшин 4 хувьтай гарсан нь өнгөрсөн 1 жилийн хугацаанд байгаагүй өндөр үзүүлэлт ба хүлээлт болох 3.9 хувиас өндөр гараад байгаа юм. Шинээр нэмэгдэж буй ажлын байрны тоо өссөн ч ажилгүйдлийн түвшин өсөөд буй нь хөдөлмөрийн нийлүүлэлт бага, компаниуд ажлын байрны эрэлтээ бууруулж, зардлаа танаад буйн илрэл юм. Энэ нь цаашид эдийн засаг тогтворгүй байна гэсэн хүлээлтийг нэмэгдүүлээд байна.