Kaspersky антивирусны программыг АНУ-д хэрэглэхийг хориглолоо

Пүрэв гарагт АНУ-ын Худалдааны яам түгээмэл антивирусны программ болох Kaspersky-г АНУ-д ашиглагдахыг ОХУ-тай холбоотой хэргээр хориглосныг мэдэгджээ. Яамны мэдэгдлийн дагуу Kaspersky АНУ-ын нутаг дэвсгэр дээр өөрийн бүтээгдэхүүнийг худалдах эрхгүй болохоос гадна тус хөгжүүлэгчийн одоо хэрэглэгдэж буй программ хангамжийг шинэчлэх боломжгүй болох байна. АНУ-ын Худалдааны сайд Жина Раймондо “ОХУ удаа дараа АНУ-ын нууц мэдээллийг Оросын компаниудыг ашиглан олж авах эрмэлзэл болон чадавхаа харуулж байсан” гэж хэлсэн байна. Kaspersky Lab-ын төв офис нь Москва-д байрладаг бөгөөд төлөөлөгчийн газрууд нь 31 нь оронд байрладаг байна. 1997 онд үүсгэн байгуулагдсан тус компани 400 сая хэрэглэгч, 270 мянган байгууллагыг үйлчилгээний хүрээндээ хамруулдаг байна.