Under Armour санхүүгийн тайлагналын чанартай холбогдуулан 434 сая ам.доллар төлөхөөр боллоо

Cпортын хувцас үйлдвэрлэгч Under Armour санхүүгийн тайланг хувьцаа эзэмшигчдийг төөрөгдүүлсэн хэлбэрээр гаргасан гэсэн 2017 оны шүүхийн хэргийг эцэслэхийн тулд 434 сая ам.доллар төлөхийг зөвшөөрчээ. Түүнчлэн 2021 онд тус Балтимор хотод төвтэй компани АНУ-ын Үнэт цаас ба биржийн хорооноос гаргасан төстэй гомдлыг 9 сая ам.доллар төлж хаалгуулж байсан байна. Компанийн мэдээлж буйгаар 434 сая ам.долларыг бэлэн мөнгө болон 1.1 тэрбум ам.долларын зээлийн шугам ашиглан төлж барагдуулах байна. Under Armor тус хэргийг хүлээн зөвшөөрөхгүй байгаа хэдий ч хэргийг эцэслэх үүднээс тус төлбөрийг хийж байгаагаа мэдэгджээ.