Nokia 2.3 тэрбум ам.доллароор Infinera-г худалдаж авна

Финляндын 5G сүлжээний антенн үйлдвэрлэгч Nokia компани шилэн кабелийн Infinera компанийг худалдан авна гэдгээ мэдэгдлээ.

Тус компанийн нэгж хувьцааг 6.65 ам.доллароор худалдан авах бөгөөд 70 хувийг бэлэн мөнгөөр, үлдсэн 30 хувийг Nokia компанийн хадгаламжийн бичгээр барагдуулах юм байна.

Nokia компани Infinera-г үйл ажиллагаандаа нэгтгэснээр ашгаа өсгөж чадна гэдэгтээ итгэлтэй байна. Энэхүү хэлцэл нь хоёр компанийн ТУЗ-ийн зөвшөөрлийг авсан ба 2025 оны эхний хагас жилд эцэслэгдэхээр байна.