АНУ хиймэл оюун ухааныг хөгжүүлэх стартапуудад 27.1 тэрбум ам.доллар олгожээ

АНУ 2024 оны 2-р улиралд хиймэл оюун ухааны стартапуудад 27.1 тэрбум ам.долларын санхүүжилт олгосон нь нийт стартапуудад зориулсан санхүүжилтийн тал гаруй хувийг эзэлж байна.

Хиймэл оюун ухааны компаниуд сүүлийн жилүүдэд хөрөнгө оруулагчдын анхаарлыг ихээр татаад байгаа юм.

Тухайлбал, Scale AI компани 1 тэрбум ам.долларын санхүүжилтийг босгож 13.8 тэрбум ам.доллар үнэлэгдэж байгаа бол Илон Маскийн xAI 6 тэрбум ам.долларыг босгож 24 тэрбум ам.доллароор үнэлэгдэж байна.

Cruze Consulting пүүсийн дэд ерөнхийлөгч Хили Жонес хэлэхдээ “Венчур капиталын компаниуд тус салбар руу асар их мөнгө оруулж байгаад гайхах юм алга. Хэрвээ энэ хурдацтай хөгжиж буй технологи хүлээлтийг давж чадахгүй бол алдах зүйл харьцангуй бага бол нөгөө талаас өсөх боломжууд нь хязгааргүй их юм” гэжээ.