Аяллын чемодан үйлдвэрлэгч Samsonite IPO хийхээр төлөвлөж байна

 

2011 оноос хойш Хонконгийн хөрөнгийн биржид бүртгэлтэй байсан Samsonite компани АНУ-д давхар бүртгэл үүсгэхээр бэлтгэл ажилдаа оржээ.

Тус компани нь Люксембург болон АНУ-ын Массачусеттс мужид бүртгэлтэй бөгөөд 30.9 тэрбум Хонконг доллар буюу ойролцоогоор 4 тэрбум ам.доллароор үнэлэгдэж байгаа юм.

Сонирхуулахад, энэ оны эхний хагас жилийн байдлаар Хонконгийн хөрөнгийн биржээр IPO гаргах нь эрс буурсан бөгөөд IPO хийсэн үзүүлэлтээр дэлхийн хэмжээнд 13-т орж байгаа бол энэ жагсаалтыг Нью-Йоркийн хөрөнгийн бирж болон NASDAQ тэргүүлж байна.