Улаанбаатарт орон сууцны үнэ 12.8 хувиар өсжээ.

 

Өнгөрсөн 7 сарын байдлаар Улаанбаатар хотод орон сууцны үнэ өмнөх оны мөн үеэс 12.8 хувиар өсжээ. 

Шинэ орон сууцны 1 метр квадрат нь нийслэлийн хэмжээнд дунджаар 4.11 сая төгрөг байгаа бол Сүхбаатар дүүрэгт хамгийн өндөр үнэтэй буюу 1 метр квадрат нь 4.30 сая төгрөгөөр үнэлэгдэж байна.

Харин Сонгинохайрхан дүүрэгт хамгийн хямд буюу 2.94 сая төгрөгийн үнэтэй байна. 

Хуучин орон сууцны хувьд 1 метр квадрат нь дунджаар 3.96 сая төгрөгийн үнэтэй байгаа бол Сүхбаатар дүүрэгт хамгийн өндөр буюу 4.69 сая төгрөг байгаа нь нийслэлийн хэмжээний шинэ орон сууцны дунджаас өндөр байгаа юм.