S&P500 дахин дээд түвшинд хүрсэн нь эдийн засаг сайн байгааг баталлаа. 

Худалдааны яамны тайланд автомашины борлуулалт буурсан ч онлайн худалдаа эрс нэмэгдсэнээр 8 сард жижиглэнгийн худалдаа өссөн байна. 

АНУ-ын эдийн засаг хүчтэй хэвээр байгааг илтгэсэн энэхүү мэдээллийн дараа голлох индексүүд өсөж, S&P 500 индекс 5,670 ам.доллар буюу дахин дээд түвшинд хүрснээр 7-8 сарын томоохон уналт бүрэн арилав. 

Мөн технологийн аваргууд болох Alphabet 0.70%, Tesla 2.10%, Nvidia 0.30%, жижиг компаниудыг дагадаг Russell 2000 индекс 1.7%-иар өссөн байна. 

Өчигдрийн индексүүдийн өсөлтөд Microsoft-ийн 60 тэрбум ам.долларын хувьцаагаа эргүүлж худалдан авах мэдэгдэл нь голлох нөлөөг үзүүлжээ.