Японы худалдааны алдагдал таамаглалаас бага байв 

2024 оны 8 сард Японы худалдааны алдагдал 695.3 тэрбум иенд хүрсэн нь (4.93 тэрбум ам.доллар) таамаглаж байсан 1.380 их наяд иенээс бага байсан ч өмнөх сарын 628.7 тэрбум иений алдагдлаас өргөжсөн байна.  

Алдагдал нэмэгдэхэд экспортын өсөлт таамаглалаас бага байсан нь нөлөөлж, өсөлт өмнөх сараас удааширсан байна. Экспорт жилийн дүнгээр 5.6%-иар өссөн нь  таамаглалын 10%-иас бага, өмнөх сарын 10.2%-ийн өсөлтөөс удааширсан үзүүлэлт юм. 

Экспортын удаашрал болон иений ханшийн нөлөө: 

Экспортын өсөлт удаашрахад иений ханшийн өсөлт нөлөөлөв. Японы Төв банкны хүүгийн хатуу бодлого болон АНУ-ын хүүгийн түвшин буурах хүлээлт иений ханшийг 2024 оны хамгийн дээд түвшинд ойртуулж, экспортод сөргөөр нөлөөлжээ. Мөн орон нутгийн үйлдвэрлэлийн саатлууд нөлөөлсөн байна. 

Импортын удаашрал ба дотоод эрэлт: 

Японы импортын өсөлт ч таамаглалаас хамаагүй бага гарлаа. Жилийн дүнгээр импорт 2.3%-иар өссөн нь таамаглал 13.4%-иас доогуур, өмнөх сарын 16.6%-ийн өсөлтөөс огцом буурсан үзүүлэлт юм.  

Цалин нэмэгдсэнээр дотоод эрэлт нэмэгдэнэ гэж таамаглаж байсан ч импортын сул өсөлт нь эргэлзээ төрүүлж байна. Шинжээчид Япон улс сүүлийн 2 жил дефляцтай тэмцэж буй учраас дотоодын эрэлт удааширч байна гэж үзжээ.