ХНС хүүгээ бууруулсан нь АНУ-д амьдарч байгаа танд хэрхэн нөлөөлөх вэ? 

 

АНУ-ын Холбооны Нөөцийн Сан (ХНС) бодлогын хүүг 0.5%-иар бууруулснаар арилжааны банкнуудаас зээл авахад илүү хялбар болно.  

 Энэ нь танд дараах боломжийг олгоно:  

• Зээлийн карт: Зээлийн картын хүү бага зэрэг буурна. Гэхдээ хүү өндөр хэвээр байх тул ам.долларын зээлийн өрийн үлдэгдлийг хурдан төлөх нь зүйтэй. 

• Ипотекийн зээл: Орон сууц авах зээлийн хүү АНУ-д 6% орчимд байгаа. Тус хүү ойрын хугацаанд бага зэрэг буурах ч төсөөлж байсан шиг 4.0% зэрэг маш бага түвшинд очихгүй. 

• Автомашины зээл: Машины зээлийн хүү бага зэрэг буурах төлөвтэй байна. Автомашин авахаа хойшлуулж байсан хүмүүст одоо л худалдан авахад тохиромжтой үе байж магадгүй. 

• Оюутны зээл: Хувийн оюутны зээлтэй бол зээлээ бага хүүтэй зээлээр дахин санхүүжүүлэх боломжтой. 

• Хадгаламжийн хүү: Хадгаламжийн хүү 2 улирлын хоцрогдолтойгоор бага зэрэг буурах тул одоо хадгаламжийн данс нээвэл илүү ашигтай байж магадгүй. 

Энэхүү хүүгийн бууралтаар зээл авах нөхцөл сайжирч байгаа ч хадгаламжийн хүү буурах тул санхүүгээ зөв тооцож төлөвлөөрэй.