Өнгөрсөн долоо хоногийг товч дүгнэвэл 

Цар тахлын дараа ХНС-аас анх удаа бодлогын хүүг бууруулснаар АНУ-ын хувьцаанууд огцом өсөж дээд түвшиндээ хүрсэн ч баасан гарагт зах зээл холимог үр дүнтэй хаагдлаа.  

Баасан гарагийн арилжааны дараа 3 томоохон индекс дээд түвшиндээ ойртсон бол DJIA индекс түүхэндээ анх удаа 42,000-аас дээш түвшинд хүрч шинэ дээд амжилт тогтоогоод байна.  

Холбооны Нөөцийн Сангийн хүүгийн бууралт ба хувьцааны зах зээл 

ХНС бодлогын хүүг бууруулсны дараа зах зээл дээр томоохон хөдөлгөөнүүд явагдаж, анхны хариу үйлдлүүд дууслаа. 9 сард тохиосон энэхүү хүчтэй өсөлт оны эцэс хүртэл үргэлжлэх эсэх нь анхаарал татаж байна. Мөн 11 сард болох АНУ-ын ерөнхийлөгчийн сонгууль хувьцааны зах зээлд хэрхэн нөлөөлөхийг олон нийт анхааралтай ажиглаж байна.  

Эдийн засгийн тодорхойгүй байдал ба ажил эрхлэлт 

Сүүлийн үед ажлын байр хомсдож, ажилгүйдлийн түвшин цар тахлын үеийнхээс  өссөн байна. Ирэх 3 сарын хугацаанд зах зээлд тодорхой бус байдал үүсэх магадлал өндөр байна.