Хятадын бодлого Европын компаниудын хувьцааг дээд ханшинд хүргэлээ.  

Баасан гарагт Европын хөрөнгийн зах зээл дахин дээд түвшинд хүрч хаагдлаа. Тодруулбал, Европын Stoxx 600 индекс 0.52%-иар өсөж, Лондонгийн хөрөнгийн бирж түүхэн дээд үзүүлэлт болох 528.33 еврод хүрэв. 

Үүнд, БНХАУ-ын эдийн засгаа дэмжихээр авч буй арга хэмжээнүүд болон инфляцын шинэ мэдээлэл нөлөөлсөн байна.  

Харин Хятадын хөрөнгийн зах зээл өнгөрсөн 7 хоногт 16 жилийн дараах  хамгийн сайн амжилтыг үзүүлж, CSI 300 индекс 15.7%-иар өссөн байна. Тус индекс хамгийн сүүлд 2008 оны 11 сарын 14-нд өндөр өсөж  байжээ. 

Хятадын Ардын банкнаас 7 хоногийн буцаан худалдан авах репо хүүгээ 1.5%-д хүргэсэн нь сүүлийн 3 сард хоёр дахь удаагаа бууруулж буй тохиолдол юм. Мөн банк санхүүгийн байгууллагуудын нөөцийн шаардлагын харьцааг 0.5 хувиар бууруулаад байна. 

Урьдчилсан мэдээллээр 9 сард Европт инфляцын түвшин огцом буурч Төв банкны 2%-ийн зорилтот хэмжээнээс доош унан 1.9%-тай байх магадлалтай байна.