Теслагийн борлуулалт хүлээлтээс доогуур гарч хувьцааны ханш нь 3%-иар буурлаа

Тоо баримт:

Тесла компани 3-р улиралд (7-9 сар) 462,890 машин борлуулсан нь  өмнөх улирлаас 6.4%-иар өссөн байна. Өнгөрсөн жилийн мөн үед 435,059 машин борлуулсан одоогийн үзүүлэлтээс бага байв.

Харин юу болсон бэ?

Уолл Стритийн мэргэжилтнүүд Теслаг 463,897 машин борлуулна гэж тооцож байсан ч үүнээс бага гарснаар хувьцаа нь 3%-иар буурсан.

Ямар машин ихээр зарагдсан бэ?

Model 3 болон Model Y хоёр хамгийн их борлуулагдсан бөгөөд нийт 439,975 машин зарагджээ.

Хувьцааны өөрчлөлт:

Борлуулалтын тоо гарахаас өмнө, Теслагийн хувьцаа 20%-иар өссөн нь 10 сарын 10-нд болох роботакси үйлчилгээний талаар эерэг хүлээлт үүссэн,  Хятадад борлуулалт өссөнтэй холбоотой.

Гэвч Тесла энэ жил машины борлуулалтмбуурч магадгүй гэж анхааруулсан нь зарим хөрөнгө оруулагчдын санааг зовоож байна.

Өрсөлдөөн ба үнэ:

Тесла Хятадын BYD, Xpeng зэрэг автомашин үйлдвэрлэгчдийн хүчтэй өрсөлдөөнтэй тулгарч үнээ бууруулснаар ашиг нь багасчээ.

Ирээдүй:

Дараагийн долоо хоногт танилцуулах роботакси үйлчилгээ нь Теслагийн ирээдүйд чухал нөлөө үзүүлнэ гэж шинжээчид үзэж байна.

Wedbush-ийн шинжээч Дан Айвс, “Роботакси өдөрлөг нь Теслагийн хувьд түүхэн, чухал өдөр байх болно. Энэ нь өөрөө жолооддог, хиймэл оюунтай машин үйлдвэрлэх ирээдүйн шинэ үеийг нээж өгнө” гэжээ.

Теслаги 3-р улирлын орлогоо 10-р сарын 23-нд зарлана.