Hyundai Motor India компанийн хоёрдогчийн арилжаа өнөөдөр эхлэнэ.  

Энэтхэгийн түүхэнд хамгийн томд тооцогдох Hyundai Motor India компанийн IPO нь институтийн хөрөнгө оруулагчдын сонирхлыг ихээр татаж нийлүүлэлтээсээ хэд дахин өндөр захиалга авч, зах зээлийн үнэлгээ нь ойролцоогоор 19 тэрбум ам.долларт хүрчээ.   

Хувьцааны үнэ нь санал болгосон дээд хязгаартаа хүрвэл 3.3 тэрбум ам.долларыг босгох бөгөөд толгой компани болох Hyundai Motor хувьцааныхаа 17.5%-ийг зарна.  

Өнөөдрийн байдлаар Hyundai Motor India компанийн хувьцаа "grey market" дэр тогтворгүй байна.  Hyundai IPO-ийн нэмэгдэл үнэ нэгж хувьцаанд 65-70 орчим энэтхэг рупи (INR) байгаа нь "grey market" дээр хувьцаагаа санал болгосон үнээс 70 энэтхэг рупигаар өндөр арилжаалагдаж байна.  

Grey market гэж юу вэ?  

Энэ нь IPO хийсэн компанийн хувьцааг албан ёсны хөрөнгийн биржид бүртгээгүй, хараахан арилжаанд ороогүй байхад нь албан бусаар худалдаж авах, зарах зах зээлийг хэлдэг. 

Хэдийгээр албан бус ч гэсэн "grey market"-т явагдаж буй арилжаа нь хөрөнгө оруулагчдад тухайн хувьцааны зах зээлийн хүлээлт, эрэлт, ханшийн талаарх  мэдээллийг урьдчилж өгдөг. 

Жишээ нь, IPO хийсэн компанийн хувьцааг хөрөнгийн биржээр арилжихаас өмнө "grey market"-т зарах үед анх санал болгосон үнээс өндөр байгаа эсэх нь тухайн хувьцааны цаашдын эрэлт, ханшийн талаарх хүлээлтийг харуулдаг юм.  

--------------------------------------------

 

Гадаад арилжаанд оролцох

https://forms.gle/3KQJBJAa44mQbb1q9

Гадаад арилжааны брокер

8610-3636 /АНУ, Канад, Австрали, Англи/

8006-9977 /Хонгконг, Шанхай, Шинжен/