“Эдийн засаг, санхүүгийн нэр томьёоны тайлбар толь” цахим хуудас нээгдлээ 

Монголбанк, СЭЗИС, СЗХ-оос хамтран шинэчилсэн “Эдийн засаг, санхүүгийн нэр томьёоны тайлбар толь” бичгийн toli.mongolbank.mn цахим хуудсыг 2024.11.01-нд нээлээ.  

Энэ толь нь Монгол Улсад орчин цагийн банкны тогтолцоо үүссэний 100, СЭЗИС-ийн 100 жил, СЗХ үүсгэн байгуулагдсаны 30 жилийн ойг тохиолдуулан гарч буй томоохон бүтээл бөгөөд нийт 11 бүлэг, 3700 орчим монгол, англи нэр томьёоны тайлбараас бүрджээ. 

Энэхүү цахим тайлбар толь нь санхүү, эдийн засгийн нэр томьёоны ойлголтын зөрүүг арилгаж, мэргэжлийн баримт бичиг, гэрээ, сургалт, судалгаанд нэг ойлголтыг өгөх чухал ач холбогдолтой юм.  

Толь бичгийг “Санхүүгийн боловсрол” аппликэйшнд тусгай хэсэг болгон нэмэх бөгөөд удахгүй хэвлэмэл хэлбэрээр олны хүртээл болох нь ээ. 
 
Вэб линк: Тайлбар толь - Монголбанк