Дональд Трамп ба Криптовалют  

АНУ-ын ерөнхийлөгчийн сонгуулийн үеэр Дональд Трамп криптовалютыг дэмжигч нэр дэвшигч хэмээн нэрлэгдэж байсан бөгөөд энэ чиглэлд шинэ алхам хийж магадгүй байна.

Трампын үүсгэн байгуулсан Trump Media & Technology Group (DJT) компани 2021 онд SPAC хэлцлээр олон нийтэд хувьцаагаа гаргасан криптовалютын арилжааны Bakkt компанийг худалдан авч байгаа мэдээлэл Financial Times-д гарсны дараа тус компанийн хувьцааны үнэ огцом өссөн байна. 

• Хэлцлийн нөхцөл: Хэлцэл нь Bakkt Holdings (BKKT)-ийн бүх хувьцаагаар хийгдэх бөгөөд Media & Technology Group нь Bakkt-ийг бүрэн эзэмших төлөвтэй байна. 
• Стратегийн өөрчлөлтүүд: Өмнө нь Bakkt-аас криптовалютын хадгалалт үйлчилгээний бизнесээ зогсоох талаар мэдээлж байсан. Хэлцлийн хүрээнд энэ сегмент багтахгүй байж болзошгүй. Харин Bakkt институцийн хөрөнгө оруулагчдад чиглэсэн крипто арилжааны платформ байгуулах төлөвлөгөөтэй байгаа. 
• Криптовалютын зах зээл дэх нөлөө: Bakkt-ийг худалдан авснаар Трампын хэвлэл мэдээллийн компани криптовалютын салбарт илүү идэвхтэй оролцох боломжтой болно. 

Bakkt-ийн анхны гүйцэтгэх захирал асан, Бүгд Найрамдах намын гишүүн асан Келли Лёффлер нь Трампын тангараг өргөх ёслолыг зохион байгуулахад тусалж байгаа энэ нь талуудын ойрын харилцааг харуулж байна. 

Bakkt-ийн 55%-ийг Нью-Йоркийн Хөрөнгийн Биржийг эзэмшдэг Intercontinental Exchange (ICE) эзэмшдэг бөгөөд тэд тус худалдан авалтыг батлах ёстой. 

Хувьцааны үнийн өөрчлөлт 

Bakkt (BKKT)

• Даваа гарагт хувьцааны арилжаа хэд хэдэн удаа зогссон. 
• Хувьцааны үнэ 163.04%-иар өсөж $29.71 хүрсэн (52 долоо хоногийн хүрээ: $5.57–$68.75). 
• 2024 онд жилийн дүнгээр 44%-иар буурсан байсан ч сүүлийн мэдээллийн дараа эрс өсөлт үзүүлэв. 

Trump Media & Technology Group (DJT) 

• Хувьцааны үнэ 16.65%-иар өсөж $32.78 хүрсэн (52 долоо хоногийн хүрээ: $22.55–$79.38). 
• 2024 онд жилийн дүнгээр 85%-иар өссөн үзүүлэлттэй байна. 

Энэхүү худалдан авалт Трампын компаниудыг криптовалютын зах зээлд илүү гүнзгий оруулж, түүний криптовалютыг дэмжих байр суурийг бататгах алхам болж байна. 

Гадаад арилжаанд оролцох

https://forms.gle/3KQJBJAa44mQbb1q9

Данс нээх, арилжаанд оролцох:

https://trader.golomtcapital.com/

7012-1530