JPMorgan: 2025 онд дэлхийн эдийн засаг өндөр эрсдэлтэй байна.

JPMorgan банк "2025 оны дэлхийн эдийн засгийн төлөв" тайландаа эдийн засгийн нөхцөл байдал тэсвэртэй ч эрсдэл өндөр хэвээр байгааг онцолжээ.

2024 оны эдийн засгийн үзүүлэлтүүд 

2024 онд дэлхийн эдийн засаг таамаглалаас давж өсөн, нэрлэсэн ДНБ 5%-иас дээш өссөн байна. Энэ нь санхүүгийн нөхцөл байдал харьцангуй зөөлөрсөнтэй холбоотой ч мөнгөний хатуу бодлого хэвээр байв. 

• Аж ахуйн нэгжүүдийн ашиг дээд түвшиндээ хадгалагдсан. 

• Хөдөлмөрийн орлого, баялгийн өсөлт өрхийн санхүүг дэмжсэн. 

• Гэхдээ үйлдвэрлэл болон технологийн салбараас бусад салбар сул байжээ. 

2025 оны хэтийн төлөв 

JPMorgan дэлхийн эдийн засгийн тэсвэртэй байдал 2025 онд үргэлжлэх ч инфляц ойролцоогоор 3%-ийн түвшинд хадгалагдана гэж үзэж байна. 

• Европ, Канад зэрэг улс бодлогын хүүгээ өндөр хувиар бууруулах төлөвтэй байна. 

• АНУ-ын ХНС болон ихэнх хөгжиж буй орнуудын төв банкнууд бодлогын хүү дээр хязгаарлагдмал арга хэмжээ авахаар байна гэжээ.

Эрсдэл ба сорилтууд 

JPMorgan банкнаас АНУ-ын улс төрийн шинэ нөхцөл байдлаас шалтгаалж дэлхийн эдийн засагт тодорхой бус байдал нэмэгдэнэ гэж онцолсон байна. 

• Бүгд найрамдах намын удирдлага дор хэрэгжих бодлого өөрчлөлтүүд дэлхийн худалдаанд дарамт учруулж магадгүй. 

• АНУ-аас Хятад руу чиглэсэн тарифын өсөлт, цагаачлалын хязгаарлалт нь нийлүүлэлтийн сөрөг шокийг үүсгэж, инфляцыг нэмж, төв банкнуудын бодлогын зөөлрөлтийг удаашруулна. 

• Гэсэн ч АНУ-ын санхүү, зохицуулалтын өөрчлөлтүүд нь дотоодын ДНБ-ийг 0.4 хувиар өсгөж, сөрөг нөлөөг хэсэгчлэн нөхөх боломжтой гэж үзэж байна. 

Харин Хятадын эдийн засгийн өсөлт эрс саарч, 2025 онд ДНБ-ий өсөлт 0.8 хувиар буурна гэж таамаглажээ.

Гадаад арилжаанд оролцох

https://forms.gle/3KQJBJAa44mQbb1q9

Данс нээх, арилжаанд оролцох:

https://trader.golomtcapital.com/

7012-1530