ОХУ-Украйны дайнд зул сарын баяраар эвлэрэл болохгүй

1914 оны Зул сарын үдэш Британи, Германы цэргүүд зэвсгээ хурааж, бие биетэйгээ бэлэг солилцож, талийгаачдаа оршуулж, бүр хөлбөмбөг тоглосон билээ – дэлхийн 1-р дайны аймшгийн дунд түр зуурын энх амгалан цаг үүссэн юм. Харин энэ долоо хоногт Унгарын Ерөнхий сайд Виктор Орбан энэ сайн санааг дууриаж, Орос, Украин хоёрын хооронд Зул сарын бэлгэ тэмдгийн эвлэрэл болон олзлогдсон цэргүүдийг солилцох санал гаргасан. Орбан Путин руу залгаж, түүнтэй нэг цаг ярилцсаныхаа дараа уг санаачилгыг Украины Ерөнхийлөгч Володимир Зеленский хүлээж аваагүй хэмээн буруутгасан байна. Гэвч үнэн хэрэгтээ юу болсон бэ?

Оросын хувьд түр эвлэрэл хийх ямар ч шаардлага байхгүй. Оросын арми газар нутгийн ололтоо нэмэгдүүлж байгаа бөгөөд дайралтаа үргэлжлүүлэх сонирхолтой байна. Тэд өнгөрсөн 11-р сард 280 квадрат миль газар эзэлсэн нь өнгөрсөн жилийн нийт ололтоос 5 дахин их юм.

Орбаны санаачилга: Унгарын Ерөнхий сайд Виктор Орбан Зул сарын түр эвлэрэл болон олзлогдсон цэргүүдийг солилцох саналыг Путинтай ярилцсан. Гэвч тэрээр Украинтай энэ талаар огт зөвлөлдөөгүй.

 

Покровскийн байдал: Донецк дахь энэ хот Оросын дайралтын төв болж, хийн хангамж тасарч, Украины гангийн үйлдвэрлэлд хүнд цохилт өгөхөөр байна. Хот эзлэгдсэн тохиолдолд Украины зэвсгийн үйлдвэрлэл 50 хувиар буурна.

Оросын шаардлага: Орос зөвхөн дараах нөхцөлөөр хэлэлцээр хийх сонирхолтой:

• Украин дөрвөн бүс нутгаас цэргээ татах
• НАТО-д элсэх санаархлаа орхих
• Барууны хоригуудыг цуцлах