"Монголын хөрөнгийн бирж" ХК-ийн 2024 оны онцлох 10 үйл явдал 

 

1. Түүхэн дээд үзүүлэлтүүд

2024 онд 1 их наяд 406.12 тэрбум төгрөгийн арилжаа зохион байгуулж, зах зээлийн үнэлгээ 13 их наяд төгрөгт хүрч, ТОП-20 индекс 51,296.39 нэгжид хүрлээ. 

2. Зэс, хайлуур жоншны арилжаа эхэллээ

Зэсийн баяжмал, хайлуур жоншны бүтээгдэхүүнийг анх удаа амжилттай арилжсан. 

3. Хууль шинэчлэгдэж, зах зээл тэлэв

Үнэт цаасны зах зээлийн тухай хуульд нэмэлт, өөрчлөлт орж, олон шинэ бүтээгдэхүүн, үйлчилгээг нэвтрүүлэх боломж бүрдсэн. 

4. Орон нутгийн бонд 

Монголын хөрөнгийн бирж дээр Улаанбаатар бонд бүртгэгдэж, арилжаалагдсан анхны орон нутгийн бонд боллоо. 

5. Уул уурхайн арилжаанд оролцогч нэмэгдэв 

МХБ-д уул уурхайн бүтээгдэхүүний арилжаанд худалдан авагчид болон брокеруудын тоо нэмэгдэж, оролцоо өргөжсөн. 

6. Ногдол ашиг хуваарилалт 

МХБ 7,000 хувьцаа эзэмшигчдэд 4.35 тэрбум төгрөгийн ногдол ашиг хуваариллаа. 

7. Ногоон бондын түүхэн амжилт 

2024 онд нийт 40 сая ам.долларын үнэлгээтэй 3 төрлийн ногоон бонд гарсан. 

8. ISO стандарт нэвтрүүлэв 

МХБ нь ISO/IEC 27001:2023 стандарт нэвтрүүлж, мэдээллийн аюулгүй байдлыг баталгаажуулсан. 

9. Гадаад харилцаа өргөжив 

АНУ, Сингапур, Хятад, Энэтхэг зэрэг улсуудад хөрөнгийн зах зээлийг сурталчлах арга хэмжээнүүд зохион байгуулж, олон улсын биржүүдтэй хамтын ажиллагааг эхлүүлсэн. 

10. Тогтвортой санхүүжилт

БОНЗ-ын тайлагналын стандартыг заавал мөрдөх зохицуулалт хэрэгжүүлж, нэгдсэн системд шилжүүлэх ажлуудыг эхлүүллээ. 

Данс нээх, арилжаанд оролцох:

https://trader.golomtcapital.com/

7012-1530