'Баян аав, Ядуу аав' номын зохиолч BTC ханшийн таамаглалаа танилцууллаа  

"Баян аав, Ядуу аав" номоороо алдаршсан бизнесмен, зохиолч Роберт Киосаки энэ жил биткойны үнийг 175,000-аас 350,000 ам.доллар хүртэл өсөж магадгүй гэж таамаглажээ. 

Гэхдээ Киосакигийн таамаглалд болгоомжтой хандах хэрэгтэй юм. Учир нь тэрээр 6 сард биткойны үнийг 2024 онд 350,000 ам.доллар хүрнэ гэдэгт итгэлтэй байгаагаа илэрхийлж байсан ч хараахан биелээгүй юм. 

Мөн түүний нийгмийн сүлжээн дэх мэдэгдлүүд нь харилцан зөрчилтэй байгааг анхаарах хэрэгтэй. Жишээлбэл: 

• 11 сард Киосаки 100,000 ам.долларыг давсан тохиолдолд Биткойн худалдаж авахаа зогсооно гэж хэлж байсан. 

• Гэвч 12 сард биткойны үнэ зургаан оронтой тоонд хүрмэгц дагагчдыгаа илүү олон сатоши (биткойны жижиг нэгж) худалдаж авахыг уриалсан билээ. Тэрээр "Өнөөдрөөс эхлэн баяжиж эхэл. Сатоши аваад эхэл. Сатоши ч 106,000 ам.доллар болно шүү!" хэмээн жиргэжээ. 

Харин 12 сарын сүүлээр үнэ буурахад тэрээр дагагчдаа "Том  дүнгээр илүү ихийг худалдаж ав" хэмээн уриалжээ. 

Бусад мэргэжилтнүүдийн таамаг: 

• Fundstrat-ийн Том Ли энэ онд биткойны үнийг 250,000 ам.долларт хүрч магадгүй гэжээ. Хэрэв АНУ-ын Засгийн газар биткойны стратегийн нөөц үүсгэвэл энэ тоо бүр ч өндөрт хүрэх боломжтой гэж үзэж байна. 

• Mike Novogratz-ийн Galaxy Digital компани энэ оны эхний хагаст биткойны үнийг 150,000 ам.доллар давах магадлалтай гэж таамаглажээ. 

Дүгнэлт: Киосаки болон бусад шинжээчдийн таамаглалыг сонирхох нь зүйтэй ч хөрөнгө оруулалтын шийдвэр гаргахдаа сайтар судалж, эрсдэлээ тооцоолох шаардлагатай. 

Гадаад арилжаанд оролцох

https://forms.gle/3KQJBJAa44mQbb1q9

Данс нээх, арилжаанд оролцох:

https://trader.golomtcapital.com/

7012-1530