2024 онд нүүрсний экспорт түүхэн дээд амжилт тогтоолоо

Монгол Улс 2024 онд нүүрсний экспортын хувьд түүхэн дээд амжилт тогтоож, өмнөх оноос 20 хувиар нэмэгдүүлэн нийт 83.7 сая тонн нүүрс экспортолсон байна. Энэ нь анх удаа нүүрсний экспорт 80 сая тонн давсан үзүүлэлт болжээ.Мөн үнийн дүнгээр нүүрсний экспорт 8.6 тэрбум ам.долларт хүрч, эдийн засагт томоохон хувь нэмэр оруулсан байна.