АНУ-ын 12 сарын суурь инфляц  3.2% буюу таамаглалаас бага гарлаа 

АНУ-ын хэрэглээний үнийн индекс (CPI) сарын дүнгээр 0.4%-аар өсөж, жилийн инфляцын түвшин 2.9%-д хүрсэн нь шинжээчдийн таамаглалд нийцсэн үзүүлэлт байв.

Харин суурь инфляц (core CPI - хоол хүнс, эрчим хүчээс бусад) дүнгээр 3.2%-д хүрч, өнгөрсөн сараас буурсан ба 3.3%-ийн таамаглалаас бага гарав. Гэхдээ CPI-ийн гуравны нэгийг бүрдүүлдэг байрны үнэ сарын дүнгээр 0.3%-иар өссөн байна. 

Суурь инфляц (Core CPI) хүлээлтээс бага гарсан нь Холбооны Нөөцийн Сан (ХНС)-ийн 2%-ийн инфляцын зорилгод хүрэхэд дөхөм болно гэж үзэж байгаа ч шатахуун, хоол хүнс, тээврийн үйлчилгээ зэрэг зарим зардал өндөр хэвээр байгааг эдийн засагчид онцлов. 

Цаашдын төлөв: 

ХНС 1 сарын бодлогын хүүгийн шийдвэрээр хүүг бууруулах магадлал бага байна. Харин жилийн дунд үеэс хүүг бууруулах магадлал 50%-тай байна. Инфляц буурах чиглэлтэй ч эрчим хүч, хоол хүнсний үнийн өсөлт томоохон сорилт хэвээр байгааг харууллаа. 

 

Гадаад арилжаанд оролцох

https://forms.gle/3KQJBJAa44mQbb1q9

Данс нээх, арилжаанд оролцох:

https://trader.golomtcapital.com/