"Давосын эдийн засгийн чуулган 2025: Ухаалаг эрин үеийн хамтын ажиллагаа"

"Давосын эдийн засгийн чуулган 2025: Ухаалаг эрин үеийн хамтын ажиллагаа"

2025 оны Дэлхийн эдийн засгийн форум Швейцарын Давос хотноо нэгдүгээр сарын 20-24-ний өдрүүдэд "Ухаалаг эрин үеийн хамтын ажиллагаа" сэдвийн дор зохион байгуулагдана. Энэ удаагийн чуулган технологийн салбарын үсрэнгүй хөгжлийг бүгдэд хүртээмжтэй, үр ашигтай байлгах санаачилга, зорилтыг хэлэлцэх болно.

Хэлэлцүүлэг таван үндсэн чиглэлээр өрнөх юм:

1. Өсөлтийг дахин зураглах
2. Ухаалаг эрин үеийн салбарууд
3. Хүний хөгжилд хөрөнгө оруулах
4. Эх дэлхийгээ хамгаалах
5. Итгэлцлийг сэргээх

Энэ жил Давосын чуулганд 50 гаруй орны төрийн тэргүүн оролцохоор болсон нь түүхэндээ анх удаа хамгийн олон удирдагчийг цуглуулж байгаа тохиолдол болж байна. Чуулганы гол анхаарал татсан оролцогчдоос Украины ерөнхийлөгч Володимир Зеленский, Европын комиссын ерөнхийлөгч Урсула Вон Дер Лейен, Хятадын ерөнхий сайдын орлогч Дин Шюэсян зэрэг нэр хүндтэй хүмүүсийг онцоллоо. Тэд эдийн засгийн хамтын ажиллагаанаас гадна улс төрийн асуудлуудыг ч хэлэлцэхээр төлөвлөж байна.

Давосын форум бол зөвхөн хэлэлцүүлэг бус хөрөнгө оруулалтын хамгийн том индэр гэдгээрээ алдартай. Чуулганы дараа хэдэн тэрбумын үнэ бүхий гэрээ, хэлцэл байгуулдаг уламжлалтай. Түүнчлэн, энэ удаагийн чуулган дэлхийн байгаль цаг уурын тулгамдсан асуудлуудыг шийдвэрлэх гарц, арга замуудыг ч онцгойлон авч үзэх юм.

АНУ-ын ерөнхийлөгчөөр шинээр тангараг өргөсөн Дональд Трамп форумд оролцоно гэсэн хүлээлт өндөр байна. Түүнчлэн форумд оролцогчид ирээдүйд эдийн засгийг хэрхэн урагшлуулах талаар санал солилцож, шийдвэрүүдээ тодорхойлох юм.

Давос хотын хувьд энэхүү чуулганы үеэр орон нутгийн эдийн засгийн орлогынхоо ихэнх хувийг бүрдүүлдэг бол хэвлэлийнхэн хувьд тэндээс шинэ, онцлох мэдээлэл авах алтан боломж юм.