Элон Маск: Tesla дэлхийд хамгийн үнэ цэнтэй ХК болох боломжтой

Өчигдөр Tesla Inc (NASDAQ:TSLA)-ийн Гүйцэтгэх захирал Элон Маск мэдэгдэхдээ, тус компани нь Nvidia, Apple зэрэг компанийг ардаа орхиж дэлхийн хамгийн үнэ цэнтэй хувьцаат компани болох бүрэн боломжтой гэжээ.

Одоогоор Теслагийн зах зээлийн үнэлгээ нь 1.3 их наяд ам.доллар буюу дэлхийн хэмжээнд 8 дахь том хувьцаат компанид тооцогдож байна.  

Харин саяхан дэлхийн хамгийн үнэ цэнтэй хувьцаат компанийн байр сууриа эргүүлэн авсан NVIDIA Corporation (NASDAQ:NVDA) нь 3.6 их наяд ам.доллараар үнэлэгдэж байгаа бол удаах байранд 3.4 их наяд ам.долларын үнэлгээтэйгээр Apple Inc (NASDAQ:AAPL) бичигдэж байна.

Теслагийн үнэлгээ өнгөрсөн 12 сард өсөж, 1.5 их наяд ам.долларын дээд түвшинд хүрсэн нь Элон Маскийн Дональд Трампын засгийн газарт үзүүлэх нөлөө өссөнтэй холбоотой юм

Дональд Трамп АНУ-д технологийн салбарын зохицуулалтыг сулруулах бодолтой байгааг илэрхийлсэн нь Элон Маскийн хиймэл оюун ухаан, өөрөө жолоодлоготой технологийн төслүүд илүү хурдан зөвшөөрөгдөхөд дөхөм болно гэсэн таамаглал байна.

Шинжээчдийн үзэж байгаагаар хиймэл оюун ухаан болон өөрөө жолоодлоготой технологи нь Теслагийн дараагийн өсөлтийн түлхэц болох юм.

Ялангуяа тус компани нь БНХАУ-тэй хүчтэй өрсөлдөж, цахилгаан автомашины борлуулалт удааширч буй үед илүү чухал ач холбогдолтой.

Мөн Маск 10 сард танилцуулсан “Cybercab” гэх хоёр хүний суудалтай, бүрэн робот тээврийн хэрэгсэл нь өөрөө жолоодох технологийн дараагийн том алхам болно гэж үзэж байна.

 

---------------------------

Гадаад арилжаанд оролцох

https://forms.gle/3KQJBJAa44mQbb1q9

 

Гадаад арилжааны брокер

8610-3636 /АНУ, Канад, Австрали, Англи/

8006-9977 /Хонгконг, Шанхай, Шинжен/

---------------------------

Данс нээх, арилжаанд оролцох:

https://trader.golomtcapital.com/

7012-1530