Голомт Капитал ҮЦК ХХК

Tesla-ийн хувьцаа үргэлжлэн унасаар...

Tesla-ийн хувьцаа өчигдөр 6%-иар унаж, уналт 5 дахь өдрөө үргэлжиллээ. Энэ хугацаанд хувьцааны үнэ 17%-иар буурч, зах зээлийн үнэлгээнээс нь 200 тэрбум ам.доллар хасагдаад байна.

BYD-ийн шинэ технологи Tesla-д дарамт учруулж байна

Хятадын тэргүүлэгч BYD компани DeepSeek-тэй хамтран бүрэн автомат жолоодлоготой машины технологийг хөгжүүлэх төлөвлөгөөгөө зарласан нь Tesla-д дарамт авчирч байна.

BYD нь шинээр гаргах 21 ширхэг загвартаа хагас автомат жолоодлогын системийг багтаахаа мэдэгдсэн.

Waymo (Alphabet-ийн охин компани) хэдийн Финикс, Сан-Франциско, Остин зэрэг хотуудад роботакси үйлчилгээгээ нэвтрүүлээд байна.

Tesla-ийн стратеги ба зах зээлийн хүлээлт

Элон Маск өнгөрсөн сард Tesla-ийн бүрэн автомат жолоодлогын машинаа 2025 оны 6 сард Остинд нэвтрүүлэх төлөвлөгөөгөө зарласан.

Morgan Stanley Tesla-ийн хувьцааг худалдаж авахыг зөвлөж, $430 үнийн зорилтот түвшинг тогтоогоод байна.

Харин Oppenheimer-ийн шинжээчид автомат жолоодлогын өрсөлдөөн нь Tesla-ийн ашигт ажиллагаанд сөргөөр нөлөөлж болзошгүйг анхаарууллаа.

Маскийн олон төслүүд ба хөрөнгө оруулагчдын санаа зовнил

Tesla-ийн хувьцааны уналтад нөлөөлж буй нэг шалтгаан нь Элон Маск компанийхаа үйл ажиллагаанд төвлөрөхгүй, олон ажилд анхаарлаа хандуулж байгаа нь нөлөөлж байна.

Элон Маск OpenAI-г 97.4 тэрбум ам.доллароор худалдаж авах санал тавиад байгаа.

Мөн тэрээр АНУ-ын Ерөнхийлөгч Дональд Трампын засаг захиргаанд "Засгийн газрын үр ашиг"-ийн хэлтсийг удирдаж, холбооны зардал, агентлагуудыг танах ажлыг хариуцаж байна.