Трампын шинэ тариф Apple-ийн бүтээгдэхүүний үнийг 9%-иар өсгөлөө

Apple-ийн ихэнх бүтээгдэхүүнийг Хятадад үйлдвэрлэдэг тул Трампын тогтоосон 10%-ийн тарифын дарамтаас үүдэн ашиг нь буурах эрсдэлтэй байгаа юм. Хэрэв Apple үнээ нэмэхгүй бол 2026 оны нэгж хувьцааны ашиг 3.1%-иар буурахаар байна.

Харин 3%-иар өсгөвөл энэ алдагдал 2.4% болж буурах бол 9%-иар өсгөвөл тарифын дарамтыг бүрэн нөхөх тооцоо гарчээ.

Apple сүүлийн жилүүдэд үйлдвэрлэлээ Хятадаас Энэтхэг рүү шилжүүлж байгаа ч шинэ тарифын улмаас Энэтхэгээс АНУ руу экспорт хийх нь илүү өндөр татвартай болох эрсдэлтэй байна.

Одоогоор iPhone гар утасны 15%-ийг Энэтхэгт үйлдвэрлэж байгаа ч энэ нь тарифын дарамтыг шийдвэрлэхэд хангалтгүй гэж шинжээчид үзэж байна.

Bank of America-ийн шинжээч Вамси Мохан Apple-ийн хувьцааг “худалдан авах” үнэлгээтэй хэвээр үлдээж, 265 ам.долларын зорилтот үнэлгээг гаргасан нь одоогийн ханшаас 8.4%-ийн өсөлттэй гэсэн үг юм.

Apple-ийн хувьцаа лхагва гарагийн арилжаагаар бага зэрэг өссөн ч 2025 оны эхнээс хойш нийт 2.3%-иар буураад байна.

---------------------------

Гадаад арилжаанд оролцох

https://forms.gle/3KQJBJAa44mQbb1q9