Монгол Улсын PMI индекс 58.5 нэгж болж буурсан ч тэлэлтийн бүсээ хадгаллаа.

Түүхэн хандлагаас харахад Худалдан Авалтын Менежерийн Индекс буюу PMI индекс 50-аас дээш байх үед эдийн засгийн өсөлт эерэг гарах хандлагатай байдаг.

Тэгвэл Монгол Улсын (PMI) 2024 оны IV улиралд 58.5 нэгж болж өмнөх улирлаас 2.5 нэгжээр буурсан ч 9 дэх улиралдаа тэлэлтийн бүсэд хадгалагдлаа.

Индекс буурсан гол шалтгаан нь үйлдвэрлэл, ажил эрхлэлт, шинэ захиалгын хэмжээ саарсантай холбоотой байжээ.

Харин энэ улиралд үйлдвэрлэлийн индекс 65.0 нэгжид хүрсэн нь эдийн засгийн өсөлтийг илтгэхүйц үзүүлэлт болж байна. 

Монгол Улстай худалдааны хамааралтай орнуудын хувьд  

ОХУ (51.1), АНУ (55.4), БНХАУ (51.1)-тай буюу бизнесийн идэвхжил эрчимжиж PMI тэлэлтийн бүсэд хадгалагдсан байна.

Хэдийгээр АНУ-ын аж үйлдвэрийн салбарын өсөлт саарсан ч үйлчилгээний салбарын өсөлт хурдацтай нэмэгдсэн нь индекс сайн гарахад нөлөөлжээ.

Харин Евро бүсэд (49.6) хоёр улирал дараалан агшилтын бүсэд байв.

Дэлхийн PMI индекс 52.6 хүрч, тэлэлтийн чиг хандлагыг хадгаллаа. 

Эх сурвалж: Монгол Банк 

---------------------------

Данс нээх, арилжаанд оролцох:

https://trader.golomtcapital.com/

7012-1530