Тунаж үлдсэн цорын ганц ногоон лаа Berkshire Hathaway

Өчигдрийн арилжаагаар зах зээл унахад ганц компанийн хувьцаа л хүчтэй өсөж, өнгөрсөн оны 11 сарын 27-нд тогтоосон бүх цаг үеийн дээд амжилтаа эвдсэн байна.

Тодруулбал, Berkshire Hathaway-ийн A ангиллын хувьцаа 4%-иар өсөж $747,765.75-д хаагдсан бол B ангиллын “Baby Berkshire” хувьцаа 4.2%-иар өсөж $498.97-д хүрэв.

Улмаар компанийн зах зээлийн үнэлгээ $40 тэрбумаар өсөж, $1.08 их наядад хүрснээр Berkshire Hathaway нь Илон Маскийн удирддаг Tesla компанийг гүйцэж АНУ-ын 7 дахь хамгийн үнэтэй олон нийтийн компани болжээ.

Энэхүү өсөлтөд нөлөөлсөн гол хүчин зүйл нь Berkshire-ийн 4 улирлын тайлангаар 2024 оны үйл ажиллагааны ашиг ($47.4 тэрбум) нь хөрөнгө оруулалтын ашгийг хассан ч өмнөх оноос 27%-иар өссөнтэй холбоотой байв.

Мөн 4-р улирлын үйл ажиллагааны ашиг нь $14.5 тэрбум буюу өнгөрсөн оны мөн үеэс 71% өсжээ.

Гадаад арилжаанд оролцох

https://forms.gle/3KQJBJAa44mQbb1q9