Super Micro компани Nasdaq-аас хасагдах эрсдэлээ давлаа

Super Micro Computer компани санхүүгийн тайлангаа 2025.02.25-ны дотор хүргүүлээгүй тохиолдолд Nasdaq-аас хасагдах эрсдэлтэй тулгараад байсан юм.

Компани 2024 оны 11 сард шинээр BDO USA-г аудитораар томилсноор, дээрх хугацаанд багтаан АНУ-ын Үнэт цаас, биржийн хороонд (SEC) тайлангаа нөхөж өгчээ.

Ингэснээр сүүлийн саруудад хувьцааны үнэлгээнд нь сөргөөр нөлөөлж байсан асуудал намжих төлөвтэй байна.

Тодруулбал, өчигдрийн зах зээлийн дараах арилжаагаар хувьцааны үнэ нь 22%-иар өсөж $55.50-д хүрсэн байна. Гэсэн ч тус компанийн хувьцаа сүүлийн 1 жилд 47%-иар унасан юм.

Компанийн Гүйцэтгэх захирал Чарльз Лян, одоо өсөлтийн стратеги болон хөрөнгө оруулалтдаа төвлөрнө гэж мэдэгджээ.

 

Гадаад арилжаанд оролцох

https://forms.gle/3KQJBJAa44mQbb1q9

Данс нээх, арилжаанд оролцох:

https://trader.golomtcapital.com/

7012-1530