Nvidia-гийн тайлан хөрөнгө оруулагчдын хүлээлтээс давлаа

Хиймэл оюун ухааны (AI) салбарт тэргүүлэгч Nvidia компанийн 4-р улирлын санхүүгийн тайлан хөрөнгө оруулагчдын хүлээлтийг давснаас гадна 1-р улирлын орлогын өндөр төсөөлөл нь хувьцааны ханшийг 2%-иар өсгөв.

Санхүүгийн гол үзүүлэлтүүд:

• Орлого: $39.3 тэрбум (хүлээгдэж байсан $38.2 тэрбум)
• Нэгж хувьцаанд ногдох ашиг (EPS): $0.89 (хүлээгдэж байсан $0.84)
• Өгсөн чиглэл: 1-р улирлын орлого $43 тэрбум ±2% (хүлээгдэж байсан $42.3 тэрбум)
• Дата төвийн орлого: $35.6 тэрбум (хүлээгдэж байсан $34 тэрбум)

Эрсдэл-Хэтийн төлөв

Nvidia компани нь АНУ-аас импортын чипэнд тавьж болзошгүй байгаа 25%-ийн татвар, БНХАУ-ын  экспортын хяналт чангарах магадлал өссөн зэрэг эрсдэлтэй тулгараад байна.  

Мөн Хятадын DeepSeek стартап компани AI загвараа Nvidia-ийн бага хүчин чадалтай чипүүдээр хөгжүүлсэн гэж мэдээлсэн нь томоохон технологийн компаниуд AI-д хэт их хөрөнгө зарцуулж байна уу гэсэн эргэлзээг төрүүлээд байгаа юм.

Гэсэн ч Nvidia-ийн AI чипүүд өрсөлдөгчдөөсөө хол тасархай, хамгийн хүчирхэг гэсэн байр сууринд хэвээр байна.

Silicon Valley болон дэлхийн томоохон компаниуд Nvidia-ийн бүтээгдэхүүнүүд стратегийн өндөр ач холбогдол өгсөн хэвээр байгаа нь тус компанийн ирээдүйн өсөлтийг бататгаж байна. 

 

Гадаад арилжаанд оролцох

https://forms.gle/3KQJBJAa44mQbb1q9

Данс нээх, арилжаанд оролцох:

https://trader.golomtcapital.com/

7012-1530