Bitcoin-ий үнэ $90,000-оос унасан нь Трампын "Стратегийн Bitcoin Нөөц"-тэй холбоотой юу?

АНУ-ын Ерөнхийлөгч Дональд Трампын тарифын бодлого, криптовалютын зах зээл дэх байр суурийг урьдчилан таамаглахад төвөгтэй байгаа нь зах зээлд тодорхойгүй байдал үүсгэж байна.

Тухайлбал, АНУ-ын Ерөнхийлөгч Дональд Трамп "Стратегийн Bitcoin Нөөц" (Strategic Bitcoin Reserve) байгуулах тухай мэдэгдэл гаргасны дараа криптовалютын зах зээл огцом унаж, Bitcoin-ийн үнэ 90,000 ам.доллароос доош уналаа.

Томоохон койнууд, тэр дундаа Ethereum (ETH), Binance Coin (BNB), Solana (SOL) зэрэг нь 10 ба түүнээс дээш хувиар унасанд зах зээл болгоомжилж байна.

Зах зээлийг унагасан шалтгаанууд

1. Худалдан авалтын оронд байгаа нөөцийг ашиглах

Хөрөнгө оруулагчид АНУ-ын засгийн газрыг Bitcoin-ийн нөөц бүрдүүлэхдээ зах зээлээс их хэмжээгээр худалдаж авна гэж найдаж байсан. Гэтэл одоо байгаа Bitcoin-оо ашиглах болсон нь эрэлтийг хязгаарласан.

1. "Газардуулсан" буюу хамгийн итгэл муутай хүлээлт

Bitcoin-ийн үнэ 100,000 ам.доллар давна гэж хөрөнгө оруулагчид үзэж байсан. Гэвч засгийн газрын шийдвэр хөрөнгө оруулагчдын итгэлийг буурууллаа.

1. Томоохон хөрөнгө оруулагчид ашигаа хэрэгжүүлээд гарлаа

Bitcoin-ийн үнэ 95,000 ам.доллар давах үед зарим томоохон хөрөнгө оруулагчид ашгаа авч гарах стратеги хэрэгжүүлсэн нь ханшийг улам дордуулж, автомат борлуулалтын (stop-loss) механизмуудыг идэвхжүүлж болзошгүй.

Цаашдын Хандлага: Bitcoin дахин сэргэх үү?

Bitcoin-ийн үнэ богино хугацаанд 85,000 ам.долларын дэмжлэгийн түвшнийг шалгаж болзошгү. Харин урт хугацаанд 100,000 ам.доллар руу дахин өсөх боломж бий.

Гол хүчин зүйлүүд:

• ХНС хүү бууруулбал: Хэрэв АНУ-ын Холбооны Нөөцийн Сан (ФРС) хүүгийн түвшнийг бууруулбал, хөрөнгө оруулагчид дахин эрсдэл өндөртэй актив болох Bitcoin руу хандаж магадгүй.

• Трампын ЗГ бодлого тогтвортой байвал: Хэрэв АНУ-ын засгийн газар Bitcoin-ийг стратегийн хөрөнгө оруулалтын нэг хэсэг болгон илүү идэвхтэй дэмжвэл, урт хугацаандаа өсөлтөд эерэг нөлөө үзүүлнэ.

• Эрэлт, урт хугацааны худалдан авагчид нэмэгдвэл: Олон орон Bitcoin-ийг хөрөнгө оруулалтын хэрэгсэл, нөөц валют хэлбэрээр хүлээн зөвшөөрч байгаа нь урт хугацааны өсөлтийг дэмжих гол хүчин зүйл болно.