Дэвид Сакс крипто хөрөнгөө зарсан нь ноотой юу?

Трампын засаг захиргааны хиймэл оюун ухаан, крипто валютын бодлогыг хариуцаж буй Дэвид Сакс Цагаан ордны албан тушаалд томилогдохоосоо өмнө 200 сая ам.доллароос давсан крипто хөрөнгө оруулалтаа борлуулсан тухай ёс зүйн баримтад дурджээ. Сакс энэхүү шийдвэрээ ямар нэг ашиг сонирхлын зөрчлөөс зайлсхийхийн тулд гаргасан бөгөөд АНУ-ын крипто бодлогыг шударга, төвийг сахисан байдлаар боловсруулахад анхаарч буйгаа илэрхийлсэн байна.

Түүний хөрөнгө оруулалтаа борлуулсан явдал нь Трамп ерөнхийлөгчийн 2025 оны 3-р сарын 6-нд баталсан Стратегийн Биткойн Нөөц байгуулах шийдвэртэй давхцаж байна. Энэхүү нөөцийг зөвхөн гэмт хэрэг, иргэний хэргийн хүрээнд хураагдсан крипто хөрөнгөөс бүрдүүлэх бөгөөд татвар төлөгчдийн мөнгө ашиглахгүйгээр хэрэгжих аж. Мөн АНУ-ын Сангийн яамны удирдлага дор Дижитал Хөрөнгийн Нөөц байгуулагдаж, бусад хураагдсан крипто хөрөнгийг удирдах юм.